MISINGI YA UONGOZI BORA
1.1 TAFSIRI YA UONGOIZ SHULENI.
Uongozi shuleni ni mchakato wa kuongoza walimu, wanafunzi na jamii katika kutimiza malengo ya elimu. Kiongozi wa shule hana jukumu la kusimamia shughuli tu za kila siku, bali pia ni mhamasishaji wa maendeleo ya kitaaluma, nidhamu, na umoja wa kijamii. Uongozi bora huhakikisha shule ina mwelekeo sahihi, mawasiliano bora, na mazingira ya kujifunza yenye ufanisi.
Katika shule ya msingi ya Mlimani, Mkuu wa shule Bi. Asha alibadilisha mtazamo wa walimu na wanafunzi kwa kuanzisha mikutano ya kila wiki, ambapo kila mmoja alipata nafasi ya kuchangia. Ndani ya miezi sita, nidhamu iliboreshwa na ufaulu wa wanafunzi ukaongezeka kwa 20%.
1.2 SIFA ZA JIONGOZI BORA
Kiongozi bora wa shule anapaswa kuwa na sifa kadhaa muhimu.
>Awe na msikivu ilikupata mawazo kutoka kwa wafanyakazi anaowasimamia.
>Awe mwasilishaji mzuri, anayesikiliza wengine.
>Awe na maadili, uadilifu na uwajibikaji.
>Awe na dira na maono ya maendeleo.
>Awe na uwezo wa kushirikiana, kushawishi, na kuongoza.
>Awe muwazi kwenye vigezo vitakavyotumika kuteua Mwl kwenye kazi fulani maalumu au cheo fulani
Kwa mfano; Katika utafiti uliofanywa na Leithwood et al. (2006), ilibainika kuwa “shule zilizokuwa na wakuu wenye maono na sifa bora za uongozi zilikuwa na mafanikio makubwa kitaaluma ukilinganisha na zile zilizokuwa na uongozi dhaifu.”
1.3 MAJUKUMU YA KIONGOZI WA SHULE
Kiongozi wa shule anatekeleza majukumu mengi muhimu .
>Kuhakikisha kuna mahusiano mazuri kati ya wanafunzi, walimu wazazi na jamii.
>Kuhakikisha kuwa ratiba za kufundisha zinafuatwa, mazingira ya shule ni salama na wanafunzi wanapata malezi bora.
>Kusimamia walimu, kuhakikisha wanapata mafunzo ya mara kwa mara na kuwezeshwa katika kazi zao.
>Kushirikiana na wazazi, serikali na jamii kutatua changamoto zinazo husu shule na wanafunzi inapobidi
Kwa mfano, Mwl Mkuu Bw. Kamugisha kutoka Shule ya Sekondari Magereza, alianzisha programu ya ".Walimu kwa Walimu" ambapo walimu waliweza kufundishana mbinu mpya za kufundisha. Programu hiyo ilipunguza uchovu kazini na kuongeza ari ya kazi”
1.4 CHANGAMOTO ZINAZOWAKUMBA VIONGOZI.
Uongozi wa shule haukosi changamoto. Miongoni mwa changamoto hizo ni zifuatazo
>Ukosefu wa mafunzo ya mara kwa mara kwa viongozi wa shule, hali ambayo huathiri maamuzi yao.
>Upungufu wa rasilimali
>Migogoro ya wafanyakazi
>Nidhamu mbaya kwa wanafunzi,
>Kutokuwepo kwa ushirikiano kutoka kwa jamii.
Katika mahojiano na Bi. Njeri, mkuu wa shule moja Nairobi, alieleza kuwa: “Nina walimu wachache, vitabu havitoshi, na wakati mwingine wazazi wanapinga maamuzi muhimu bila kuelewa madhumuni.”
Hili linaonesha kuwa uongozi bora unahitaji ujasiri, ustahimilivu, na ubunifu katika kutatua matatizo.
1.5: MBINU ZA KUIMARISA UONGOZI BORA
Ili kuboresha uongozi wa shule, viongozi wanapaswa kufanya baadhi ya mambo yafuatayo
>Kushiriki kwenye mafunzo ya uongozi mara kwa mara,
>Kushirikiana na viongozi wenzao
>Kujitathmini kwa ufanisi.
>Kuwa na mipango ya maendeleo ya kitaaluma kwa walimu
>Kushirikisha jamii katika mchakato wa elimu.
>Matumizi ya teknolojia yanaweza kusaidia sana katika kupanga, kufuatilia na kuwasiliana kwa ufanisi.
Kwa mfano, katika mradi wa Leadership for Learning wa Chuo Kikuu cha Cambridge (2010), ilibainika kuwa “shule ambazo walimu wakuu walitumia mikutano ya pamoja ya kujifunza ("learning circles") zilipata mafanikio zaidi kwa kushirikiana mawazo na mikakati”.
Kumbuka: Kanuni za uongozi bora shuleni zinajengwa juu ya Maadili, maono, ushirikiano, na ufanisi katika usimamizi wa watu na rasilimali. Kiongozi bora si yule anayetoa amri, bali anayesikiliza, kushirikiana, na kubadilika kulingana na mazingira. Uongozi bora ni daraja la mafanikio ya shule.
INSTALL ELIMIKALEO APP HERE
JOIN US TELEGRAM
0 Comments: